ग्रामीण भागातील महिला शिक्षकांची सुरक्षा वाऱ्यावर

चाळीसगाव - तालुक्यातील भऊर जिल्हा परिषद प्राथमिक शाळेच्या प्रभारी मुख्याध्यापिक सुनंदा श्रीराम कुमावत यांना त्या शाळेत कार्यरत असतांना गावातील काही लोकांनी शाळेत येवून शिवीगाळ करून जीये ठार मारण्याची धमकी दिली . याबाबत सौ सुनंदा कुमावत यांनी गटशिक्षणाधिकारी , पंचायत समिती , चाळीसगाव यांच्याकडे तक्रार अर्ज केला आहे . शिवीगाळ व दमाबजीच्या प्रकारानंतर मुख्याध्यापिका कुमावत यांची प्रकती बिघडल्याने त्यांनर मेहणबारे ग्रामीण रूग्णालयात उपचारार्थ दाखल करण्यात आले होते मुख्याध्यापिका कुमावत यांचे म्हणणे आहे की , दि . १८ रोजी शाळेत दोन मुलींचे आपसात भांडण झाले . त्यातील एका घरी जावून आपल्या पालकांना बोलावून आणले . या पालकाने शाळेत आल्या आल्या शिक्षकांना शिवीगाळ केली . शिक्षकांना शिवीगाळ करून जीवे ठार मारण्याची धमकी दिल्याप्रकरणी मुख्याध्यापिका सौ . सुनंदा कुमावत यांनी मेहूणबारे पोलीसांकडे तक्रार केली आहे . असा प्रकार गेल्या दोन महिन्यापासून सुरू असून शिक्षकांना शिकवणे कठीण झाले आहे असे कमावत यांचे म्हणणे आहे . पोलीसांना दिलेल्या तक्रारीत त्यांनी संबंधीतांवर कारवाईची मागणी केली आहे . आता गटशिक्षणाधिकारी यावर के कारवाई करतील या कडे शिक्षकांचे लक्ष आहे. गटशिक्षणाधिकारी चाळीसगांव यांनी यावर त्वरित कारवाई करावी अशी शिक्षकांची मागणी आहे.