कार अपघातात पोलीस कर्मचाऱ्याचा मृत्यू; मुंबईतील नगरसेवकही जखमी

सिन्नर-शिर्डी महामार्गावर देवपूर फाटा येथे आज पहाटे फॉर्च्यूनर कार व झेन कार यांच्यात समोरासमोर धडक होऊन झालेल्या भीषण अपघातात पोलीस ठाण्यात कार्यरत पोलीस कर्मचारी रवींद्र जाधव यांचा दुर्दैवी मृत्यू झाला.मयत रविंद्र संपत जाधव हे नाशिक तालुक्यातील शिंदे येथील रहिवासी असून गेल्या चार वर्षांपासून वावी पोलीस ठाण्यात कार्यरत होते. अपघातग्रस्त फॉर्च्युनर कारमध्ये मुंबईतील नगरसेवक व त्यांचे नातेवाईक असल्याचे समजते.या अपघातातील एका जखमीस नाशिकला उपचारासाठी हलविण्यात आले आहे. जाधव यांचा अपघाती मृत्यू झाल्याच्या वृत्ताने शिंदे पळसे सह वावी परिसरात शोककळा पसरली आहे.